Strategic Approach to International Chemicals Management
SAICM huwa qafas ta’ politika biex jippromwovi mmaniġġjar tajjeb ta’ sustanzi kimiċi f’livell globali. Dan huwa marbut mill-qrib mal-għanijiet li ntlaħaq ftehim dwarhom fis-Summit Dinji dwar l-Iżvilupp Sostenibbli (WSSD, World Summit on Sustainable Development) f’Johannesburg fl-2002.
Wieħed minn dawn l-għanijiet jindirizza s-sustanzi kimiċi direttament. Dan jiddikjara: “sal-2020, is-sustanzi kimiċi kollha għandhom jiġu prodotti u jintużaw b’mod li jnaqqas ferm l-impatt negattiv tagħhom fuq il-bnedmin u l-ambjent”.
Skont is-SAICM, intlaħaq ftehim dwar “Pjan ta’ Azzjoni Globali” sabiex jipprovdi strateġija biex jintlaħqu l-għanijiet ta’ WSSD. Dan il-pjan fih ukoll azzjonijiet dwar in-nanomaterjali kif ukoll, pereżempju, ċomb fiż-żebgħa, interferenti endokrinali u pestiċidi. In-nanoteknoloġiji u n-nanomaterjali mmanifatturati ġew identifikati mis-SAICM bħala kwistjoni ta’ politika emerġenti.